1. Жалпы ережелер

1.1. Осы Шарттар Абоненттерге «Кселл» АҚ (бұдан әрі - «Оператор») «Kid Security» сервисіне (бұдан әрі - «Сервис») жазылымын ұсыну тәртібі мен қағидаларын белгілейді.

1.2. Сервисті Kid Security жеке компаниясы (бұдан әрі - «Провайдер») http://kidsecurity.activ.kz сайтында және Kid Security мобильді қосымшасында сипатталған шарттарда (бұдан әрі - «Жазылым шарттары» немесе «Шарттар») ұсынады.

Осы Шарттар шеңберінде жазылым деп белгілі бір ақыға Провайдер Сервисіне қол жеткізуді ұсыну түсініледі.

1.3. Осы Шарттарды, сондай-ақ оларда пайдаланылатын құжаттарды Пайдаланушыны алдын ала хабардар ете отырып, Провайдер өзгертуі мүмкін, Шарттардың жаңа редакциясы, сондай-ақ Шарттар сілтеме жасалатын құжаттар, егер Шарттардың және/немесе Шарттар сілтеме жасалатын құжаттардың жаңа редакциясында өзгеше көзделмесе, осы тармақта көрсетілген мекенжай (не Шарттар сілтеме жасалатын мекенжай) бойынша Интернет желісінде орналастырылған сәттен бастап күшіне енеді. Шарттардың қолданыстағы редакциясы әрқашан мына мекенжай бойынша орналастырылады: http://kidsecurity.activ.kz

1.4. Жазылымды (Сервиске қол жеткізуді) қол жеткізуді ресімдеп, Пайдаланушы осы Шарттарды, сондай-ақ Шарттар сілтеме жасалатын барлық құжаттардың ережелерін ешқандай ескертусіз және алып тастаусыз толық көлемде қабылдады деп есептеледі. Пайдаланушы көрсетілген құжаттардың ережелерімен келіспеген жағдайда Пайдаланушы Сервисті пайдалануды тоқтатуға міндетті.

1.5. Егер Абонент өзгеріс рәсімі осы Шарттардың 1.3-тармағында көрсетілген жаңа Шарттармен келіспесе, Абонент өзгерістер күшіне енгеннен кейін, егер ол Сервисті пайдалануды жалғастырса, жазылым шарттарына енгізілген өзгерістермен келісетіндігін білдіреді.

1.6. Сервиске жазылымды ресімдеумен Пайдаланушы:

1.6.1. оның әрекетке қабілетті болып табылатынын және осы Шарттарда көзделген мәмілелерді жасау үшін ҚР заңнамасына сәйкес қажетті жасқа жеткенін растайды;

1.6.2. Сервисті ресімдеген және оларды пайдаланған кезінде және жазылымды ресімдеу кезінде берілген дербес ақпараттың дұрыстығына кепілдік береді, оның дәлдігі, толықтығы және дұрыстығы үшін барлық жауапкершілікті өзіне алады. Пайдаланушы берілген дербес ақпараттағы қателермен немесе дәлсіздіктермен жасалған оның іс-әрекеттеріне байланысты барлық ықтимал тәуекелдерді өзіне қабылдайды;

1.6.3. оның осы Шарттармен толық танысқанын және сөзсіз келіскенін, сондай-ақ оған осы Шарттар мен осы Шарттарда сілтеме жасалатын құжаттардың ережелері түсінікті екендігін растайды;

1.6.4. жарнамалық және ақпараттық сипаттағы хабарламаларды алуға өз келісімін береді.

1.6.5. Провайдердің дербес деректерді жинауына және өңдеуіне келісім береді.

1.6.6. баланың атынан және құрылғысында Сервисті орнату және пайдалану жөніндегі іс-әрекеттерді жүзеге асыруға оның барлық заңды құқықтары бар екенін растайды.

1.7. Сервисті ұсынудың мазмұны мен сапасына Провайдер жауапты болады. Провайдер Компания, абоненттер, үшінші тұлғалар алдында Қазақстан Республикасы қолданыстағы заңнамасының, оның ішінде лицензиялау, лицензиялық келісімдер, интеллектуалдық жеке меншік, авторлық және салалас құқықтарды қорғау туралы патенттік заңнаманың  талаптарын орындауға толық жауапты.

2. Жазылымды ресімдеу

2.1. Пайдаланушы Сервистің әдепкі түрде сынақ кезеңін қосуға сұраным берілген сәттен бастап ұсынылатынын және абоненттік төлем кейіннен мерзімді түрде алынған жағдайда жалғасатынын және заңнамаға және/немесе Сервис шарттарына сәйкес тоқтатылған сәтке дейін қолданылатынын қабылдайды және келіседі. Сервисті сатып алған пайдаланушы жазылымды өшіру бойынша тиісті әрекеттерді жасай отырып, кез келген уақытта Сервиске жазылымды ұзартудан бас тартуға құқылы.

2.2. Теңгерімде ақша қаражатының жеткілікті сомасы болмаған жағдайда Сервиске қол жеткізу Сервиске қол жеткізу үшін абоненттік төлемнің қажетті сомасын есептен шығару үшін теңгерімді жеткілікті сомаға толықтыру сәтіне дейін тоқтатыла тұрады.

2.3. Пайдаланушы Сервис шеңберінде Пайдаланушы ұсынатын дербес ақпаратты Пайдаланушының Қазақстан Республикасының заңнамасына сәйкес берілген тиісті келісімі негізінде Провайдер дербес өңдейтіндігіне және Провайдер жазылымға қол жеткізу өшірілген күннен бастап кемінде үш жыл сақтайтындығына өз келісімін растайды.

2.4. Пайдаланушы Сервисті пайдаланудың жай-күйі туралы ақпаратты (абоненттік төлемнің құны және оның мерзімдері, қолжетімді Сервистің тізбесі және т.б.) дербес қадағалауға, сондай-ақ Сервисті ұсыну шарттарына өзгерістер мен толықтырулар енгізуді қадағалауға міндетті.

3. Басқа шарттар.

3.1. Сервис, сондай-ақ дизайн элементтері, мәтін, графикалық бейнелер, иллюстрациялар, скрипттар, бағдарламалар және Сервистің басқа да объектілері және оларды іріктеу зияткерлік меншікті қорғау туралы заңнамаға сәйкес қорғалады.

3.2. Пайдаланушы тиісті сервистерді пайдалану және жазылуға рұқсат беру шарттарын регламенттейтін құжаттардың барлық талаптарын сақтауға міндеттенеді.

3.3. Пайдаланушыға жазылымды өз бетінше ресімдемей және/немесе төлемей, Сервиске қол жеткізу мүмкіндігі берілмейді.

3.4. Сервиске жазыла отырып, Пайдаланушы төмендегілермен келіседі:

3.4.1. Сервис Пайдаланушының жеке, отбасылық, үй және кәсіпкерлік (коммерциялық) қызметімен байланысты емес өзге де пайдалануға арналған.

3.4.2. Сервис интернет желісі қосылған жағдайда мобильді құрылғылар (абоненттік құрылғылар) арқылы қол жеткізуге арналған.

3.5. Сервиске қосыла отырып, Пайдаланушы Сервис құнымен танысқан және келіскен болып есептеледі.

3.6. Сервисті пайдаланудың осы Шарттарына сәйкес Сервисті қосу фактісі Пайдаланушының Сервисті пайдалану ережесімен келісетінін растайды, сондай-ақ Пайдаланушының Оператор мен Провайдердің Сервисті Пайдаланушыға ұсыну үшін қажетті кез келген тәсілдермен оның дербес деректерін өңдеуге жазбаша келісімі болып табылады. Осы Сервисті пайдалану ережесінің шарттарын қабылдай отырып, Пайдаланушы Сервистің жарнамалық-ақпараттық таратылымдарын алуға өзінің келісімін білдіреді.

3.7. Сервисті ұсынуға байланысты сұрақтар мен наразылықтар туындаған жағдайда Абонент Провайдерді қолдау қызметіне анықтама алу үшін жүгіне алады.